《點解你儲極都儲唔到錢？民間儲錢法的大問題！》
-
-
最近同一位長期讀者傾計，佢同我講我已經好耐冇講過儲錢法，可能早排多人睇美股，我都比較放重左係投資方法。佢強調，我多講投資唔係唔好，但呢d都係短期利益，而且唔係好多人夠資本捉住呢次起浪，捉到都唔夠錢買。不如講下第一舊錢應該點黎。另一個原因係呢2日我又叫到各大免費媒體又出返d「儲錢法」既文章，呢d都係我多番批評既野黎，因為呢d儲錢法出發點其實係想件事「好玩」，同埋「唔覺唔覺」儲左，我唔否認咁樣可能會幫得到一班真係完全唔儲錢，消費成癮既月光族，但其實呢類民間儲錢大法，同真正既理財概念卻係背道而馳，呢篇就等我同大家講下，錢其實係點儲。
我簡單講講而家坊間最多人講既2種儲錢法，各有咩問題先，之後再講下儲錢既基本概念。
-
-
365天儲錢法
呢個方法係一個「年經」post黎，年年都會loop一次，各大免費媒體係一定會一年最少出一次。簡單講道理就係一年365日，第一日由儲1元開始，第二日儲2元，金額不斷往上增加，如此類推，到了第365日便儲365元，一年便累積66,795元。
一日多一蚊，好處在於易記。而呢一類「階梯式」儲錢方法聽起上黎易入口，第一日只係1蚊，唔覺唔覺，慢慢增加，好似好合邏輯好合理，吸引到自己由甜到苦，由易到難。
但問題黎了，我地好多人既收入都係固定的，就算唔固定，都唔係以一年作單位地「階梯式」向上或向下。我舉個例，365日儲錢法去到最高果個月，係要儲到成＄10515，而最少果個月只係儲＄465兩者相差22.6倍。呢個差相令你恆常的支出習慣完全被打亂了。你總冇可能第一個月同最後一個月都用同一個生活模式，如果你輕易過到第12個月，則代表你之前的月份花費得毫無意義，如果你去到6－7月已經不能負荷，則你根本捱不到10月之後。當你成個儲錢計劃完全同你既收支脫勾，點可能係一個可行既方案呢？
136儲錢法
136儲錢法實際上是將每月的收入分作10等份，預留將其中1份用作保險保費的開支，其中6份留作每日生活開支，剩下的3份就是每月要儲蓄的部份。按最新的港人月入中位數1.9萬元作計算，每月便會儲得5,700元，12個月持之以恆，一年便能儲下68,400元。
驟眼望落去，136儲錢係對你收入作出不同比較的配，邏輯比365日儲錢法合理得多。不過，這有2個問題，第一，我唔知寫呢篇野既人係保險經紀定點，我點解要對保險公司作十一奉獻？以一個1.9萬元月入計算，我俾差唔多供2千蚊一個月既保險？呢個係咩玩法呢？專業既保險人，應該就唔同需要既人有唔同既保險建議，冇可能大家都用收入成10％黎供保險吧？另外，我係《戒窮》都提過，由於人人背景唔同，分配比例冇可能係一樣，如果以一個供緊樓既人黎計，供完樓仲要儲到3成係好多。但如果你係後生仔，冇生活負擔，1.5萬月入3成係5千幾，都係好少。咁唔專業既儲錢方法，實在令儲錢既效率大打折扣，有違量入為出的基本理財原則。
（正確儲錢方法刊於升級會員專區）
https://www.patreon.com/posts/41582116
Search